GENERAL SANTOS CITY – Nanginahanglan si Gensan Mayor Lorelie Pacquiao ug P80M nga confidential fund alang sa 2024.
Nasuta nga sa kasamtangan nga tuig ang buhatan sa Mayor adunay P60-million confidential fund nga mas taas ug 71.43% kumpara sa P35-million nga confidential fund kaniadtong 2022.
Ang hangyo sa Mayor nga patas-an ang confidential fund ang naapil sa proposal nga gisumite sa executive department aron iapil sa sunod tuig nga annual investment programs.
Susama nga hangyo ang giandam ug gipirmahan mismo ni Mayor Pacquiao. Gilayon nga gidepensahan ni City Administrator Franklin Gacal ang budget nga gipangayu sa Mayor human gibutyag nga kinahanglanon kini aron mapadayon ang mga proframa sa kahusay ug kalinaw sa syudad.
Sumala sa opisyal nga ang pagmentina sa kahusay ug kalinaw sa usa ka syudad usa sa flagship program sa kasamtangang administrasyon.
Sa hisgutanan sa kahusay ug kalinaw manginahanglan ug suporta aron masiguro ang kalampusan ug kini kinahanglan nga adunay financial support.
