Gitambagan sa kampo ni suspended Bamban, Tarlac Mayor Alice Guo ang suspendidong mayor nga mupapili pag-usab sa nagkaduol nga 2025 midterm election.
Matud sa abogado ni Mayor Guo nga si Atty. Stephen L. David nga angayan lamang nga katawhan sa Bamban ang magdesisyon sa mga akusasyon batok sa ilang kliyente.
Si Guo gikonsidera nga nalambigit sa mga ilegal nga operasyon sa Philippine Offshore Gaming Operators sa Bamban.
Nahimong init usab ang isyu kabahin sa iyang pag-Pilipino human nga kumpirmahon sa National Bureau of Investigation nga pareho ang fingerprint ni Guo sa usa ka chinese passport holder nga nagpangalang Guo Hua Ping.
Samtang, sumala usab ni COMELEC Chairman George Erwin Garcia, pwede pang mudagan si Guo isip mayor tungod wala pay pinal nga desisyon ang korte sa iyang mga giatubang nga kaso.
Nagbahad usab kini nga andam sila nga magpasaka ug kaso batoki kang Guo ugaling mapamatud-an nga namakak kini.
