Suspek sa Wisconsin school shooting usa ka 15-anyos nga dalaga

Gipagawas na sa mga otoridad ang identity sa suspek sa pagpamusil sa Abundant Life Christian School sa Madison, Wisconsin. Matod ni Madison Police Chief Shon Barnes, kinsa niila sa suspek nga si Natalie Rupnow, 15-anyos.

Gipatawag na usab sa mga otoridad ang ginikanan sa suspek aron masayran kung kinsa ang tag-iya sa nasangpit nga pusil.

Anaa sa tambalanan ang unom nga naangol sa maong insidente diin duha niini anaa sa talandugon nga kahimtang.

Kahinumduman nga human sa pagpamusil nga mipatay sa 2 ka biktima, naghikog usab ang 15-anyos nga suspek diin nakuha sa iyang tupad ang armas nga gigamit.

Usa usab ka magtutudlo ang namatay sa maong insidente samtang ang usa usa ka estudyante.