GENERAL SANTOS CITY – Kustodiya na sa Pendatun Police Station si Mark Cesar Aranas ang suspek sa pagpusil kang PO1 Planas.
Kini human mihatag ug medical clearance ang mga doktor sa Dr. George P. Royeca Hospital nga mamahimo nang igawas ang suspek sa tambalanan human napusilan sa kapulisan sa usa ka drug bust operation sa Tinagacan kaniadtong mga miaging bulan.
Matud ni Police Captain AbdulSalam Mamalinta nga nakagawas na usab ang iyang sakop nga si Patrolman Planas apan gikinahanglan pa niini ang tulo hangtud unom ka bulan nga pahulay human napusilan sa apapangig nga bahin.
Matud sa opisyal nga makaestorya na ang pulis human kini mabutang sa Intensive care unit (ICU) sa usa ka tambalanan.
Kahinumduman nga nagpahigayon ug drug operation ang kapulisan sa usa ka tiangge sa Brgy. Tinagacan nga nagresulta sa pinusilay.
