Nadakpan sa atop sa usa ka balay ang lalaki nga suspek sa pagpanghold-up ug pagpanaksak sa Antipolo City.
Giangkon sa suspek nga siya ang misaksak tungod sa iyang kasuko sa biktima.
Gitabangan pa sa mga tanod nga mapanaug ang nakaposas nga 29 anyos nga suspek.
Sumala sa barangay, nahitabo ang pagpanghold-up sa 34 anyos nga lalaki nga biktima nga gisaksak pa sa liog human siya giakusahan sa suspek nga kawatan.
Sumala kang Punong Barangay Baby Garcia Salen sa Barangay San Isidro, magkaila ang suspek ug ang biktima.
Sa rekord sa pulis, napreso na kaniadto ang suspek tungod sa mga insidente sa pagpangawat ug pagpanghold-up sa Antipolo City.
Sa pagkakaron, anaa na sa custodial facility sa Antipolo Component City Police Station ang suspek ug nag-atubang og kasong robbery.
