GENERAL SANTOS CITY- Patay nga lawas ng miuli sa Baguio City ang usa lalaki human gipusil patay sa riding-in-tandem dinhi sa dakbayan.
Matud kay P/S Insp. Lemuel Enrijo , OIC sa San Isidro Police Station nga 15 minutos pa lamang dihang nakagawas gikan sa pagkapriso ang biktima, gipusil patay kini sa wala mailhing mga suspek sa Hangar Road, Barangay Mabuhay ning syudad.
Ang biktima nga giilang si Jack Galbey, temporaryong residente sa Lagao nasikop sa pagpanulod sa usa ka botika sa Barangay Lagao niadtong Enero 22.
Sakay ang biktima sa usa ka taxi kauban ang iyang misis og ang abogado aron mugukod sa ulahing flight paingon og Manila apan giharang sa usa ka kotse ug nagsunod ang gunman nga nagsakay sa motorsiklo.
Gipaulanan ug mga bala sa pusil sa nakamotor nga suspek ang biktima nga naglingkod sa likod nga bahin sa taxi nga nagresulta sa pagkamatay niini.
Nasayran nga nagpiyansa si Galbey sa kasong attempted robbery una natigayon ang pagpamusil.
Gibutyag sa asawa sa biktima nga gibaharan matud pa ang iyang mister nga dili makagawas ug buhi dinhi sa GenSan.
