GENERAL SANTOS CITY – Nasulbad gilayon sa kapulisan ang kasong pag dunggab -patay sa usa ka inahan nga si Sally Sison Embajador, 38 anyos, minyo nga residente sa Deca Homes, sa Calumpang ning syudad.
Gikumpirma ni P/Major Richard Ybañez, chief of police sa Tambler PNP nga nasikop ang suspek nga usa ka menor de edad sa gipahigayong hot pursuit operation.
Nagbase sila sa usa ka tsinelas nga nabilin sa crime scene kung asa ang kapikas niini ang nakit-an sa bakanteng lote sa maong dapit.
Gikadugang pa ni Ybañez, nga sa testimonya sa bata nga tindog ang buhok sa suspek og kulay blue ang t-shirt.
Gibutyag nga padulong sa Cahilsot ang direksyon sa tsinelas sa maong suspek hinungdan nga mas gipalawman ang imbestigasyon.
Gikumpirma sa nahisgutang opisyal nga mismo ang igsoon sa suspek ang nagkumpirma nga nagkadugo ang iyang manghod sa dihang miuli og walay tsinelas.
Matud pa nga ang maong suspek ang gitudlo nga nalambigit sa pagpangawat sa maong barangay.
Gikadugang pa ni Maj. Ybañez, nga sa iyang nasayran gikan kang Kapitan Arthur Ryan Dupalco sa Calumpang may record sa pagpangdunggab ang suspek apan walay natala sa kapulisan.
