GENERAL SANTOS CITY- Lakip sa listahan sa kapulisan sa mga nalambigt sa ilegal nga droga ang napusilan patay sa area of responsibility sa Bula PNP.
Matud ni Police Lt. Omar Baret, deputy Police Chief sa Bula Police Station nga nakigsabut ang usa ka pulis sa suspek nga nagpakaron-ingnon nga magpalit og droga.
Nahitabo ang insidente sa Purok 17, Carcon Village, Barangay Lagao, ning syudad.
Akto na unta nga dakpon ang suspek dihang mitunol kini sa baligya nga druga kalit nga gikuha ang sukbit nga pusil apan naunahan kini sa mga otoridad.
Giila ni Baret ang suspek nga si Guinda Amil Guimal alyas Ghens, 42-anyos, taga Purok 5, Labangal ning syudad nga dugay nang naa sa listahan sa mga tigpayuhot sa illegal drugs.
Gidala pa ang suspek sa Dr. Jorge P. Royeca Hospital ang suspek apan gideklara nga dead on arrival tungod a daghan samad nga naangkon.
Nakuha sa mga pulis gikan sa maong tawo ang usa ka 38 revolver nga may bala, upat ka putos sa gituhuang shabu ug ang mark money.
Ang suspek ang gagamitan ug traysikel aron sa paghatud sa baligya niini nga druga.
