GENERAL SANTOS CITY- Nailhan na ang suspek nga namusil sa mga pulis nga nagpahigayon ug checkpoint sa Barangay Lumakil Polomolok South Cotabato.
Matud ni Police Sr. Insp. Romeo Albano nga mismong ang ginikanan sa suspek ang miila sa ilang anak samtang atoa sulod sa morge sa usa ka punerarya.
Giila ang suspek nga si Gerard De Pues 23 anyos nga taga Purok 14 Mabuhay GenSan.
Kahinumduman nga nakadawat ug impormasyon silang Chief Insp. Alex Orcahada nga adunay mga armado nga muagi sa Lumakail hinungdan nga nagbutang gilayon ug checkpoint apan wala magdugay miabut ang pula nga Bajaj nga motor nga gisakyan sa tulo ka mga lalaki.
Mikanaug ang usa niini ug samtang gapaduol ngadto sa kapulisan namusil kini gamit ang 357 revolber hinungdan nga mibalos ang kapulisan ug naigo ang suspek sa ulo ug dughan nga nagresulta sa iyang kamatayon.
Kahinumduman nga nakuhaan ug duha ka sachet sa shabu ang slingbag sa suspek .
