GENERAL SANTOS CITY – Dili gayud magpadakop nga buhi ang usa ka suspek nga nakigpinusilay pa sa mga otoridad human makorner sa buybust operation sa Polomolok South Cotabato.
Kini ang nahimong pahayag ni Police Capt. Randy Apostol, deputy Chief of Police sa Polomolok Municipal Police Station kalabutan sa gipahigayong operasyon.
Ang suspek mao si Louie Gie Balasuto, 30 anyos walay trabaho nga residente sa Golden Rose Subdivision, Purok Pagkakaisa, Brgy. Cannery Site, Polomolok.
Matud ni Apostol nga nakamatikod ang suspek nga mga pulis ang naa sa lugar mao nga misulod sa boarding house ug mikuha ug pusil nga gigamit pagpusil sa kapulisan.
Naigo ang suspek dihang mibalos ang kapulisan hinungdan nga gidala sa hospital apan gideklara nga dead on arrival.
Nakuha sa lugar ang 38 revolber, lima ka gituhuang sachet sa shabu nga kantidad ug P6,800.00 .
Gikadugang sa kapulisan nga dugay ng nailhan ang suspek sa pagpayuhot sa ginadili nga druga.
