GENERAL SANTOS CITY – Gikasuhan na sa mga ginsakpan ni Police Chief Instr Renato Salarda sa pagsupak sa RA 10591 kon Comprehensive Law on Firearms and Ammunition ug pagsupak sa RA 9156 kon Comprehensive Dangerous Drugs Act of 2002 si Mike Mulok alias Datu Molok Ismael nga nasikop miaging adlaw sa kapulisan sulod sa iyang pinuy-anan sa Purok Pandi-an Labangal ning syudad.
Kini human makuha ang usa ka pistol nga adunay tulo ka mga magazine nga bala, usa ka MK76 rifle grenade ug MK2 hand grenade sulod sa panimalay sa suspek.
Kahinumduman nga duha ka search warrant ang gibitbit sa kapulisan dihang gisulod ang panimalay ni Mulok.
Kahinumduman nga si Molok ang gitudlo kaniadto nga nagbitbit ug armas sulod sa 973 hectares nga kabahin sa giilugang luna nga panag-iya sa Espina Farm.
Sa kasamtangan nagpabilin sulod sa selda sa Makar Police Station ang dinakpan samtang gapaabut nga mugawas ang kamandu-an sa korte aron dad-on kini sa city jail.
