GENERAL SANTOS CITY – Pormal ng gipasakaan og reklamo ngadto sa Prosecutors Office ang suspetsado nga gitudlong mipatay kang Brigada Group of Companies executive nga si Yentez Abedo Quintoy kaniadtong June 4, 2021.
Giila ang suspek nga si Ralph Gerald Andoy Sorabia alias Rap-rap, 27 anyos, ulitawo og residente sa Waling Waling Vincenzo Sagun, Zamboanga del Sur.
Matud kang P/Capt. Abdusalam Mamalinta , hepe sa San Isidro Police Station, nga naka-docket ngadto sa Prosecutors Office pinaagi sa regular filing ang gipasakang kaso batok kang Sorabia.
Gikonsidera ni Mamalinta nga sulbad ang Quintoy murder case kini human nga boluntaryong misurender sa kapulisan ang suspek.
Nasayran nga gibuhian si Sorabia human nga wala maapas ang 36 ka oras nga reglamentary period sa kapulisan.
