GENERAL SANTOS CITY – Nag-atubang na sa kasong murder, carnapping ug robbery ang suspek nga mitigbas-patay sa sinaligan sa usa ka negosyante sa Sitio Klaja, Brgy. Conel, General Santos City.
Kini human masikop sa Bansalan, Davao Del Sur ang nagpangalan ug Romel Caliao, hamtong ang pangidaron, sa gipahigayong hot pursuit sa kapulisan.
Una niini, napatay matud pa human misukol sa kapulisan ang kauban niini nga suspek, dihang arestuhon na unta sa iyang panimalay sa Brgy Conel.
Mibunlot matud pa og pusil ang nasampit hinungdan nga giunahan na og pusil sa kapulisan.
Sa imbestigasyon, misaka matud pa sa bukid ang biktima nga si Ronald Tanghian, 36-anyos, residente sa nasampit nga barangay aron ihatod ang P30,000 cash nga pang sweldo sa mga trabahante sa iyang amo.
Apan gibabagan kini sa duha ka suspek ug gitigbas, dayon gidala ang salapi nga gidala, apil ang manehon nga motorsiklo.
Ang suspek ang balhog gihapon sa selda.
