GENERAL SANTOS CITY – Kung mulampas ang reglamatory period posible nga buhi-an gihapon sa kapulisan ang 69 anyos nga suspek nga mipatay sa bana sa iyang anak-anak.
Kini human gibutyag sa pakighinabi kang Police Major Ian Bagot sa Tambler Police station nga kustudiya nila ang suspek nga si Marcos Kima usa ka hilot.
Matud ni Bagot nga giangkon sa suspek nga iyang nadunggaban ang biktima nga si Romar Gabin Suico 23 anyos nga unang nadala sa tambalanan apan gihunusan sa hinulaman nga kinabuhi.
Nag-ugat ang krimen tungod pulos nakainum ang suspek ug biktima niadtong tungura. Naglalis matud pa dihang nag-abut sa ilang gipuy-an nga nagresulta sa pagdunggab.
Matud sa kapulisan nga mukapin dose oras na sa selda ang suspek apan gibutyag nga magdepende karong adlawa kung adunay kabanay nga mupasaka ug kaso batuk sa suspek.
