GENERAL SANTOS CITY – Anaa karon sa kustudiya sa Makar police station ang suspek nga mibunal patay sa ulo sa biktima nga si Jun Palaing, 26 anyos, fish vendor nga taga Purok Kulasi, Labangal ning syudad.
Giila ni P/Major Patrich Elma, chief of police sa Makar Police Station ang suspek nga si Jonas Abella, 38 anyos panday nga taga Riverside Soledad, Labangal ning syudad.
Sa imbestigasyon nga nagpasilong sa balay ni Abella si Palaing kauban ang duha ka mga anak gumikan sa kusog nga pag-ulan.
Sa pag-uli sa suspek gikan nag-inum iyang nakit-an ang biktima og gibunalan duha ka higayon sa ulo gamit ang kahoy.
Nawad-a og panimoot ang biktima nga gidala sa ospital apan gideklarang dead on arrival.
Gilayon nga misibat ang suspek human sa insidente apan nasikop sa gihimong follow up operation sa kapulisan.
Matud pa ni Major Elma nga kasong murder ang atubangon sa maong suspek.
