Nakatutok na ang Department of Agriculture (DA) sa report nga sobra nga suplay sa kamatis sa pipila ka probinsya.
Lakip niini ang Nueva Vizcaya kung asa una nang gireport nga adunay pipila ka mag-uuma na ang naglabay sa ilang ani nga kamatis.
Matud ni Spokesperson Assistant Secretary Arnel de Mesa, nakig-alayon na sila sa ilang regional office sa Cordillera Administrative Region og Cagayan Valley aron sutaon ang sitwasyon og makalatag na og interbensyon.
Sa iyang pamahayag, mahimong tabangan sa market linkage og logistics ang mga mag-uuma aron madala sa Metro Manila og mga Kadiwa Stores ang ilang sobra nga ani sa kamatis.
Human niini subli usab nga gisiguro sa DA nga milihok sila aron mapalapad ang mga cold storage og post-harvest facilities aron dili malabay og masayang ang mga agri products.
Sa monitoring sa DA Bantay Presyo, mikunhod na sa hangtod ₱50 ang matag kilo karon sa kamatis sa pipila ka palengke sa Metro Manila.
