Mibalik sa Manila South Harbor ang pinakadakong support vessel sa Royal New Zealand Navy, ang HMNZS Aotearoa,, alang sa usa ka goodwill visit, isip pamatuod sa pagpalig-on sa relasyon sa depensa sa New Zealand ug Pilipinas.
Kini ang ikaduhang pagbisita sa barko sa Pilipinas sulod sa lima ka tuig ug unom ka bulan human sa pagpirma sa Philippines–New Zealand Status of Visiting Forces Agreement (SOVFA), nga nagpalig-on sa kooperasyon sa militar ug nagpadali sa pagsulod sa mga pwersa sa depensa sa matag nasud alang sa hiniusang mga kalihokan.
Sumala ni New Zealand Ambassador to the Philippines Catherine McIntosh, ang pagbisita sa barko giingon nga nagpakita sa mas lawom nga pakiglambigit sa New Zealand sa sektor sa depensa sa Pilipinas.
Matud ni Commanding Officer Robert Welford nga ang barko abli alang sa dugang hiniusang mga kalihokan sa rehiyon, ingon man kooperasyon sa Philippine Navy alang sa mga operasyon niini duol sa katubigan sa arkipelago.
Ang mga opisyal sa barko mopahigayon usab og mga pakiglambigit sa depensa ug mga courtesy call sa Nobyembre 3.
Human sa Manila port call, ang barko mopadayon sa Japan alang sa sunod nga hugna sa regional mission niini.
Nasayran nga ang HMNZS Aotearoa adunay tulo ka nag-unang tahas sama sa pagpuno pag-usab sa gasolina ug mga suplay sa ubang mga barko; antarctic resupply; ug logistics support vessel.
