GENERAL SANTOS CITY – Subling gipukaw ni Kag. Jeng Gacal ang atensiyon sa kapulisan sa pagtutok sa riding in tandem criminals sa dakbayan kung asa ulahing pagpamusil patay nga natigayon sa AOR sa Fatima Police station.
Matud pa niini, ‘alarming’ ang sunod-sunod nga pagpamusil sa dakbayan kung asa halos tanang kaso ang wala pa maresolba samtang ang mga suspek ang wala pa mailhan.
Pagtuo ni Kag. Gacal nga nalisdan ang kapulisan sa pagresolba sa m ga kamatay sa syudad ilabin nga sunod-sunod nga nahitabo.
Gani, panglantaw usab sa opsiyal nga adunay kapakyasan ang kapulisan sa ilang intelligence network, hinungdan nga kinahanglang i-review ni City Director Police Chief Supt. Romeo Ruel Beranggo ang mga iyang mga sakop aron masayran kung kinsa ang mga angayang ibutang aron mututok niini.
