GENERAL SANTOS CITY – Paspas og sunod-sunod nga operasyon batok sa iligal nga droga ang gipahigayon karon sa PDEA-12 sa pipila ka lugar sa North Cotabato.
Human ang malampusong buy bust operation sa Matalam nga nagresulta sa pagkakumpiska sa 80 gramu sa shabu kantidad og P400,000.00, drug paraphernalia, mga armas, bala og granada, laing duha ka operasyon ang gipahigayon sa PDEA-12 katambayayong ang kapulisan sa Brgy. Poblacion 1, Pigcawayan og Brgy. Nalin, Midsayap, sa maong probinsya.
Atul sa operasyon sa Pigcawayan, napalitan ug shabu ang target-listed og high value target nga giilang si DRIESA ENDAILA, Alias DRES.
Apan dihang mipaduol ang arresting team, nakamatikod ang suspek sa operatiba og dayon nibunlot sa iyang caliver 38 pistol nga nagresulta sa pagbayluanay ug bala og kamatayon sa suspek.
Nakumpiska sa operasyon ang kapin o kulang 50 gramu sa shabu kantidad P250,000.00; P1,000 marked money, P500.00 marked money, og caliber 38 revolver og upat ka rounds caliber 38.
Laing operasyon ang gipahigayon sa Brgy. Nalin, Midsayap kon asa pito ka search Warrant ang gisilbi sa kasupakan sa RA 9165 og RA 10591 batok sa nagpangalan og RICHARD LICAROS, usa usab ka High Value Target og naa sa target–List.
Ang suspek ang napatay sa operasyon dihang natigayon pinusilanay human nga nagpabuto kini sa operatiba sa iyang caliber 9mm pistol.
Nakumpiska ang 50 gramu sa shabu balor P250,000.00; caliber 9mm pistol, tulo ka rounds sa cal. 9mm, og drug paraphernalia.
