Sunog sa usa ka ospital sa Kaulohan napalong na

Napalong na ang sunog sa may bahin sa Metropolitan Medical Center sa Sta. Cruz, Manila.

Sumala sa Bureau of Fire Protection, nagsugod ang sunog pasado ala-una sa kaadlawon karong adlaw nga Sabado.

Miabot pa sa ikaduhang alarma ang maong sunog nga nagsugod sa ikapito nga andana sa ospital.

Tungod sa insidente gipagawas ang mga pasyente nga naka-confine sa tambalanan.

Human ang kapin usa ka oras hingpit nga napalong sa mga miresponde nga bombero ang sunog.

Nagpahigayon na og imbestigasyon ang mga otoridad kabahin sa insidente.