Sunog sa Apopong ning dakbayan gituohang Short circuit ang hinungdan

Short circuit ang gituohan nga hinungdan sa sunog nga nahitabo sa Purok 6, New Society, Apopong ning dakbayan.

Matud pa ni Sfo1 Filamer Acub, sa Bureau of Fire Protection kon BFP GenSan nga sa ilang imbestigasyon nga una nahitabo ang sunog nagbaha sa maong lugar og lakip sa naapektuhan ang refrigerator sa panimalay sa pamilyang Oliveros.

Wala ang pamilya sa dihang nahitabo ang insidente kung asa nakuratan na lamang ang mga silingan sa dihang may miulbo nga kalayo nga miugdaw sa maong balay. Gibutyag ni Acub nga may naangin nga usa ka balay sa maong sunog.

Gibana-banaan nga anaa sa P75,000 ang damyos sa maong sunog.

Gibutyag ni Christine Oliveros nga ang tag-iya sa maong balay ang OFW nga igsoon nga takdang mupauli sa nasud .