GENERAL SANTOS CITY – Sunod sunod nga operasyon batok sa pagpamutol og kahoy ang gihimo sa mga otoridad sa Maasim, Sarangani Province.
Matud pa kang Alejandra Sison, Municipal enviromental officer sa Maasim nga sa ilang pagsaka sa bukid wala sila napakyas tungod naabtan ang mga pinutol nga mga kahoy apan wala na ang mga nag-chainsaw.
Sa iyang pamahayag nga anaa na sa 1,000 board feet sa nagkadaiyang matang sa kahoy susama sa yakal, lawaan og uban pa ang narekober sa Sitio Maknet, Barangay Nomo, Maasim, Sarangani Province.
Apela sa MENRO sa publiko nga likayan ang pagpamutol og kahoy sa kabukiran aron nga dili magkaproblema panahon sa ting-ulan.
Ang munisipyo sa Maasim ang nagdeploy og Bantay Gubat kung asa sila ang kaabag sa pagbantay sa kalasangan.
