GENERAL SANTOS CITY – Tulo na ang natala nga naghikog-patay dinhi sa dakbayan, alang ning bulana. Labing ulahi ang usa ka laborer nga matud pa nahimo ang pagkutlo sa iyang kinabuhi gumikan sa gibati nga sakit sa ulo.
Una niini, nakaplagang patay sulod sa ilang pinuya-anan sa Upper Puting bato, Calumpang miaging gabii ang nagapangalan ug Roel Rodriguez, 35-anyos, nagtrabaho isip laborer sa Fishport.
Matud sa inahan niini nga si Rose, kalit nawala miaging gabii ang anak dihang iyaha unta nga pakan-on.
Ug dihang gipangita na sa iyang amahan, didto na nakita nga wala nay kinabuhi human nagbitay sulod sa ilang pinuy-anan.
Gituuhang nawad-an ug paglaum ang biktima, tungod sa nasinati-an nga sakit sa ulo.
Gumikan niini, nabilin sa nasampit ang iyang duha ka anak nga kasamtangang atua sa iyang ugangan.
