GENSAN – Gikumpirma na ni eight-division boxing world champion Manny Pacquiao ang petsa ug venue sa sunod niya nga away.
Matud sa senador, matigayon kini sa Kuala Lumpur, Malaysia sa June 24, kung asa ginapilian pa kon kinsa kanilang Danny Garcia ug Lucas Matthysse ang iyang makaatbang.
Nasayran nga si Garcia usa ka kanhing two-division world champ, kung asa iyang napildi sa ninth-round technical knockout (KO) victory si Brandon Rios. Aduna siyay record nga 34 wins, 20 KOs ug usa nga pildi.
Samtang si Mathysse, mao ang kasamtangang WBA welterweight world champion, ug may record nga 39 wins, 36 KOs ug upat ka pildi.
Gikabutyag nga may paigong panahon pa si Pacquiao nga mangandam sa sunod nga away, atul sa ilang session break.
Kahibaluan nga mag-adjourn ang Senado sa Marso 24 ug mubalik sa May 14, ug subling mag-adjourn sa June 2.
