GENERAL SANTOS CITY – Miapela ang mayor sa dakbayan sa mga katawhan nga angayang sabton nganong kinahanglan nga ipabilin nga ipatuman ang lockdown matag adlaw nga Domingo.
Matud pa ni Mayor Ronnel Rivera nga magpadayon sa gihapon ang Sunday No Movement nga angayang sundon dili balewaon sa mga residente.
Sa gipahigayong meeting sa miaing adlaw sa City Inter- Agency Task Force on COVID-19 (CIATF) kauban ang mga kapitan sa 26 ka barangay sa GenSan og mga doktor, gipaboran nga angayang ipadayon ang lockdown.
Dugang pa sa mayor, bisan dili paspas mawala ang virus apan mas maayo nga mapaubsan ang infection niini sa syudad.
Subling gipasabot ni Mayor Rivera nga ang liyawe sa pagsumpo sa coronavirus disease ang pinaagi sa pagsunod sa mga healths protocols sama sa pagsul-ob ug face mas, face shield, paghugas og kamot, social distancing og uban pa.
Gihangyo ang tanan nga kung dili essential ang paliton o lakwon, mas maayong magpuyo sa balay apan dili lang kini Dominggo himuon apan sa tanang adlaw.
