GENERAL SANTOS CITY – Padayon pang giimbestigahan ang natigayong pagpamusil sa usa ka sundalo sa Prk 6 Millionaires Village Labangal ning syudad.
Giila ang biktima nga si Private First Class Ivan De Arce nga na-assign sa 1002nd Brigade sa Pulutana Malandag Malungon Sarangani.
Matud kang P/Major Ananias Vasquez, hepe sa Makar Police Station nga pagerespondi nila sa crime scene naabtan ang biktima nga nagbuy-od na sa yuta og naligo sa kaugalingong dugo.
Nakaangkon ang biktima og samad pinusilan sa ulo og tiyan nga hinungdan sa iyang kamatayon.
Sa nakuhang impormasyon, makigtagbo matud pa ang biktima sa iyang hinigugma nga nagpuyo sa maong lugar nga gikabutyag nga nakaila human nga nagka-text mate.
Samtang nagbaktas giduolan sa usa ka lalaki og usa ka babaye nga wala mailhan og dayon gipusil sa lalaki.
Paspas nga misibat sa lugar ang duha sakay sa motorsiklo nga nagpaabot sa unahan nga bahin.
Dili pa makumpirma sa kapulisan kung ang babaye nga kauban sa gunman ang maoy katextmate og hinigugma sa maong sundalo.
Apan may testigo na nga gigunitan ang Makar PNP alang sa ipahigayong imbestigasyon
