GENERAL SANTOS CITY – Giimbitahan sa City Sports Division ang tanang residente sa dakbayan nga gustong makakat-on ug nagkadaiyang matang sa sports nga muapil sa GenSan Summer Sports Clinic.
Sa pakighinabi sa Bombo Radyo GenSan kang Lady Manalo, labaw sa City Sports Division, gibutyag niini nga libre ug able kini sa bisan unsang edad nga interesadong makatuon ug mga sports.
May ipahigayon matud pang mga clinics sa mga barangay, samtang anaa usab sa mall.
Mahimo matud pang magpa-pregister sa ilang buhatan, samtang gadawat musab sila ug walk-in participants sa Robinson’s Place sa Abril 15 ug 16 ug sa Abril 20 ug 21.
Sa naasoy’ng mall matud pa mabutang ang halos tanang clinics sama sa boxing, sepak takraw, futsal, badminton, gymnastics, muay thai, pechakselat, taekwondo, wushu, arnis, ug uban pa.
