GENERAL SANTOS CITY – Nag champion sa lawihan street dance competition ang entry number three nga Sidlak Performing Arts gikan sa barangay Dukay, Esperanza Sultan Kudarat.
Nasakmit sa mga nahisgutan ang premyo nga P350,000 samtang ang first runner up ang Gensan pride nga Katipunan ng Kabataan ng Barangay Calumpang ning syudad.
Kini ang usa sa labing ulahi nga mga kalingawan kagahapong adlawa atul sa katud-anan sa ika 25 nga tuna festival.
Sa parada pa lamang gipakita sa upat ka team ang nagkadaiyang sapot samtang ang uban nga team ang dayag nga nag show case sa titulo sa dakbayan ang Tuna capital of the Philippines.
Nahimong kabahin na ang mga dayuhan nga partisipante sa street dancing competitions nga gikan pa sa silingan nga mga probinsya.
Nakita usab sa ikaduha nga higayon ang mga float nga una ng miparada sa mga kalye kaniadtong Septembre uno human kagabii gianunsyo ang midaug sa mga float nga apil sa competition human gihilera duol sa stage.
Gituyo kini aron makapakuha ug hulagway ang mga bisita aron mapakita sa tibuok kalibutan ang kasadya sa mga aktibidad sa tuna festival.
