GENERAL SANTOS CITY– Mas gipalawman sa mga otoridad ang imbestigasyon sa duha ka pagbusikad nga natigayon sa Brgy. Walled City, Jolo Sulu.
Sa pakighinabi sa Bombo Radyo, gibutyag ni Major General Edgardo De Leon, Deputy Chief of Staff for Operations sa AFP nga ang unang pagbusikad duol lamang sa Red Cross Chapter.
Gituyo sa pagparada sa lugar ang motorsiklo nga may nakakabit nga improvised explosive devise (IED) nga gitawag nila og ” vehicle burn IED” duol sa nakaparada nga 6×6 military truck og dayon kalit nga mibusikad.
Sa ikaduhang pagbusikad usab, dili pa sigurado kung adunay suicide bomber kini luyo sa inisyal nga report nga adunay babaye nga mipaduol sa mga sundalo nga nagbantay sa lugar og didto natigayon ang ikaduhang pagbusikad.
Posebli matud pa nga may IED na daan sa lugar nga nakaigo sa babaye. Sa ikaduhang pagbusikad adunay namatay nga sundalo og pulis.
Sa pamahayag pa ni Major General De Leon, dako ang posibilidad nga hinimuan matud pa kini sa ISIS-inspired group nga nagtago sa Sulu.
Kun kahinumduman nga adunay grupo sa mga suicide bombers nga target sa mga intelligience officers sa militar apan wala magmalampuson sa misyon tungod sa wala gilauman nga panghitabo sa miaging bulan.
Sa report misaka na sa 15 ang namatay nga gilangkoban sa pito ka mga sundalo, usa ka pulis og unom ka mga sibilyan.
Samtang 75 ang samaron nga gilangkoban sa 21 mga sundalo og unom ka mga pulis. Nasuta nga nagpahigayon og routine patrol og mitabang sa COVID-19 response ang mga sundalo dihang matigayon ang twin explosion.
