Suharto Mangudadatu mipahawa sa TESDA aron mupapili sa 2025 Election

Mipahawa sa pwesto si Secretary Suharto Mangudadatu isip Director General sa Technical Education and Skills Development Authority (TESDA).

Sa usa ka pahayag gianunsyo usab ni Mangudadatu ang iyang katuyu-an nga mupapili sa 2025 midterm elections.

Nagtuo ang nahisgutan nga ang iyang kasinati-an sa pagpadagan sa gobyerno inubanan sa pagsabot sa panginahanglan sa rehiyon ang magamit pinaagi sa electoral process.

Hinuon gipasalig nga padayon ang pagtrabaho kauban si President Ferdinand Marcos, Jr. ug iyang administrasyon ug magpabilin nga higala, partner ug kaalyado sa Pangulo .

Gianunsyo ni Mangudadatu ang intensyon sa pagluwat sa pwesto atul sa pagdeliver sa Pangulo sa ikatulo niini nga State of the Nation Address.