Giaprubahan na sa ikatulo ug ulahi nga pagbasa sa Senado ang sugyot nga i-postpone ang unang piniliay sa Bangsamoro Autonomous Region in Muslim Mindanao (BARMM) gikan sa Mayo 12, 2025 ngadto sa Oktubre 13, 2025.
Giaprubahan ang Senate Bill 2942 sa 18 affirmative votes, usa ka negative vote, ug zero abstention.
Ubos sa SB 2942, ang BARMM polls human sa Oktubre 13, 2025 nga eleksyon, ipahigayon sa samang panahon sa 2028 national elections ug matag tulo ka tuig human niana.
Ang termino sa mga napili sa unang BARMM polls magsugod sa Oktubre 30, 2025.
Sa paglugway sa panahon sa transisyon, ang mga opisyal sa Bangsamoro Transition Authority magpadayon sa pagserbisyo hangtod nga mapili ang ilang mga puli.
Samtang, kadtong nag-file og certificates of candidacy (COC) para sa parliamentary districts ug nominees alang sa party representatives nga nalista sa Certificate of Nomination and Acceptance in Manifestations of Intent to Participate para sa Mayo 12, 2025 BARMM polls awtomatik nga gikonsiderar nga kandidato ug nominado Oktubre 2025 nga eleksyon.
Ang mga bag-ong filing para sa COCs ug Manifestations of Intent to Participate dili dawaton.
Dugang pa, dili usab tugutan ang paghulip sa mga kandidato o nominado.
Ang bersyon sa Senado niini nga sugyot lahi sa sugyot sa Kamara.
