Nakapasar sa ikatulo ug katapusang pagbasa sa House of Representatives, ang sugyot alang sa Agricultural Tariffication Act, nga nagtumong sa pagpalambo sa buffer stocking capabilities sa gobyerno, makaangkon og market intervention aron ma-stabilize ang presyo sa bugas panahon sa kalamidad ug uban pang emerhensiya.
Sa boto nga 231 ang pabor, tulo ang supak ug usa ang abstention, giaprobahan sa Kamara ang House Bill No. 10381.
Ubos sa maong balaudnon, ang National Food Authority maoy gitahasan sa pagparehistro ug pagmonitor sa tanang bodega sa bugas , pagsiguro sa pagsunod sa kalidad ug suplay sa bugas humay, ug pagmintinar sa nasudnong ‘database’.
Ang NFA gimanduan sa pagmentinar og igong buffer stock nga gikinahanglan gikan sa mga lokal nga mag-uuma o organisasyon sa mga mag-uuma.
