GENERAL SANTOS CITY – Aprubado na sa Sangguniang Panglungsod ang sugyot nga matag Hunyo 15 ang pagsaulog sa city charter anniversary sa dakbayan sa Heneral Santos.
Tawgon matud pa kini nga Metro GenSan day, kung asa tumong niini aron mahatagan ug bili ang maong adlaw lakip na ang katawhan sa siyudad nga maoy nagprotekta ug nag-amoma sa syudad, hinundgan sa unsa na kini karon.
Sa pakighinabi sa Bombo Radyo kang Cora Tito, tourism officer sa siyudad, nga sa golden o ika-5o nga anibersaryo sa kamugnaan sa siyudad magsugod ang pagtawag niini isip Metro GenSan Day.
Kahibaluan nga all-set na ang preprasyon sa dakbayan sa golden anniversary celebration sa dakbayan, kung asa gideklara na sa Malacañang nga special non-working holiday sa siyudad sa Hunyo 15, Biyernes.
Ubay-ubay ka mga aktibidad ang ipahigayon, sama sa civic military parade nga apilan sa mga opisyal sa lokal nga panggamhanan, mga NGOs, ug mga stakeholder.
Sa gabii may anniversary ball kung asa giimbitahan tibuok pamilyang Chiongbian, alang sa paghatag ug post humous award kang anhing Rep. James Chiongbian nga maoy gikonsiderang amahan sa siyudad.
