Nanawagan ang Sugar Council sa gobyerno nga himuong computed ug transparent ang ilang sugar importation program aron dili masabutahe ang mga lokal nga mag-uuma niini.
Gihimo sa konseho ang pahayag isip suporta sa suhestiyon sa Philippine Sugar Millers Associations nga dili tutukan ang impormasyon niini.
Sa usa ka pahayag, gibutyag sa Sugar Council nga bisag mahinongdanon ang pag-import sa pagpabilin sa mga stock sa asukal ug pagpalig-on sa mga retail price sa panahon sa ‘off-milling season’, kinahanglan una nga mukunsolta sa mga grupo sa mag-uuma ug uban pang mga stakeholder una ang pagpatuman sa unsa mang matang sa importasyon.
Sumala sa Philippine Sugar Millers Associations, adunay paigong supply sa asukal ang nasud hinungdan dili kinahanglan ang importasyon. Kini gikanayong mulungtad hangtud sa katapusan sa crop year.
Ang katibuk-ang pisikal nga stock sa asukal nga natala sa Sugar Regulatory Administration (SRA) niadtong Mayo 12 miabot sa 531,838 metro tonelada, mas taas ug 26.37 porsyento kumpara sa 420,866 Metriko tonelada sa nakalabay nga tuig.
