Gi-anunsiyo sa BigHit Music nga si Suga, usa ka miyembro sa iladong K-pop group nga BTS, ang maka-kompleto na ang iyang mandatoryo nga military service isip usa ka social work personnel karong Hunyo 21.
Sa usa ka pamahayag sa Weverse kagahapon, HUnyo 18, gibutyag sa BigHit nga walay espesyal nga tigom nga naka-iskedyul sa adlaw sa iyang pag-discharge aron malikayan ang hulga sa kahimtang sa seguridad sa mga fans.
Nagpasalamat usab ang BigHit Music sa padayon nga suporta sa mga ARMYs (fans sa BTS) ug ilang gisiguro ang ilang padayon nga suporta sa ilang mga artista.
Kahinumduman nga si Suga ang ulahi nga miyembro sa BTS nga mogawas gikan sa military service.
Mas taas gamay ang iyang serbisyo kumpara sa mga active-duty nga sundalo, tungod isip usa ka social service worker, gitudloan siya sa maong katungdanan tungod sa iyang kahimtang sa panglawas.
Una nang na-discharge sila RM, V, Jimin, ug Jungkook karong bulana, samtang sila Jin ug J-Hope angnakakompleto na sa ilang military service kaniadtong Hunyo ug Oktubre 2024.
