GENERAL SANTOS CITY– Nagpabilin sa tulo ang kumpirmadong nagpositibo sa Barangay Bula ning syudad.
Kini ang nahimong pagpaklaro ni Dexter Forro, administrador sa nasampit nga barangay human nga migawas ang mga balita nga matud pa ang mga nahimamat sa 58 anyos nga lalaki sa Gensanville Subdivision ang nagpositibo sa coronavirus disease.
Nasuta nga ang nasampit nga pasyente ang miadto pa sa haya og kaduha nga nagdula og poker samtang aduna pay laing lugar nga giadtuan.
Gibutyag ni Forro nga nagpaabot pa og resulta sa gihimong pagsusi sa mga tawo nga nahimamat sa maong pasyente.
Sa iyang pamahayag nga subling nagpahigayon og hugot nga contact tracing ang mga health workers sa pagpanguna ni Dr. Windy Chiu sa mga nahimamat sa pasyente sa GenSanville Subd tungod pakyas nga mutug-an sa tinuod ang pipila sa unang mga na-interview kalabot sa ilang mga lakaw.
Sa pamahayag sa Brgy Bula Administrator nga napuno na sa 63 katawo nga nag-kwarantinas ang Bula Central Elem. School sa Zone 8 og giandam na daan ang katapad nga tulunghaan, ang Jose Divinagracia Sr. Elem School sa Zone aron himuong quarantine facility.
