Gihingusgan ni Senator Ronald ‘Bato’ Dela Rosa nga kabahin lamang sa “demolition job” ang mga pahayag ni kanhi Iloilo City Mayor Jed Patrick Mabilog sa atubangan sa quad committee ukon quad comm.
Ang ginatumbok ni Sen. Bato mao ang una nga pagtambong ni Mabilog sa quad comm hearing kaniadtong Huwebes, Septyembre 19, kun asa gipagawas niini sa publiko nga nakaangkon siya og impormasyon nga pwersahon siya nga itudlo silang kanhi Senador Franklin Drilon og Mar Roxas isip mga drug lord.
Dugang usab ni Mabilog nga nakaangkon siya og mga bahad sa ilang kinabuhi human nga gi-tag siya ni Kanhi President Rodrigo Duterte isip protector sa mga nalambigit sa iligal nga droga.
Nalakip usab sa iyang statement mao nga nagtawag si Bato nga mao kanhi ang Chief sa Philippine National Police (PNP) kun asa gipaadto siya niini sa Camp Crame, apan wala siya midayon tungod aduna pay usa pa ka tawag nga nag-abot nga nagpasidaan kaniya nga dili mag-adto.
Sumala usab kang Sen. Bato, usa ka “fishing expedition” ang ginahimo nga imbestigasyon sa Kamara kun asa ginapangitaan og sala si Duterte og iyang mga kaalyado.
Gibutyag usab niini nga gigamit si Mabilog aron nga maguba ang pangalan ni VP Sara Duterte nga kusog nga ginabati-bati nga magpapili nga pagka-presidente sa 2028.
“Demolition job [itp] para masira kaming lahat at hihina si VP Sara [Duterte] sa 2028… Fishing expedition, paghahanap ng mga kasalanan ni Duterte at kanyang mga associates,”
Gibutyag usab ni Sen. Bato nga walay impormasyon nga nalambigit sa iligal nga droga silang Roxas og Drilon.
Gidugang usab niini nga wala usab nagmando kaniya si Duterte nga ibutang sa drug list ang bisan kinsa ukon bisan ang iyang mga kaaway sa pulitika.
“Wala akong info. At wala tayong basis na ipapaturo siya at saka hindi naman ugali natin ipapaturo bakit naman ganun? Ipapaturo ko ‘yung mga tao na matitino?”
-dugang sang former PNP chief.
Gihagit niini si Mabilog nga panganlan kung kinsa nga heneral ang nagsulti sa iyang ginaalegar nga plano nga iduot silang Roxas og Drilon isip mga drug lord.
Samtang, sa bahin sa PNP, gibutyag sa ilang tigpamaba nga si Police Colonel Jean Fajardo nga makig-alayon sila sa kampo sa kanhi mayor aron nga i-check ang iyang mga alegasyon.
Gihingusgan ni Fajardo nga nagapabilin nga ‘apolitical’ og patas ang mga pulis sa ilang imbestigasyon.
