GENERAL SANTOS CITY- Sugod ugmang adlawa, Lunes, mulingkod na isip bag-ong officer-in-charge PNP city director ug labaw sa General Santos City Police Office si Police Senior Superintendent Ruel Berango.
Kini ang gikumpirma mismo ni Gensan Mayor Ronnel Rivera. Si S/Supt. Beranggo ang muhulip kang outgoing city PNP director S/Supt. Maximo Layugan nga magretiro na human ang pipila ka tuig nga pagpanerbisyo isip labaw sa kapulisan dinhi sa dakbayan.
Kahinumduman nga sa mga nakalabay’ng adlaw, nahimo kining unod sa mga huhungihong sa siyudad apabn kagahapong adlawa lamang gikumpirma sa mayor.
Samtang, kahinumduman usab nga una nang gipaniguro ni City Councilor Franklin Gacal nga kon si Berango ang mabutang sa nasampit nga posisyon, bantayan niya kini pag-ayo.
Ug gani, gipahimangnuan sa maong konsehal si Berango nga ayuhon ang pagdumala sa GSCPO.
Matud pa niini nga nailhan niya si Berango ug nasayod sa kung unsa man ang mga kalambigitan niini.
