GENERAL SANTOS CITY – Gikonsidera nga pinakadako nga sporting event sa Rehiyon dose ang Soccsksargen Regional Athletic Association (SRAA) nga gipahigayon dinhi sa dakbayan sugod kagahapong adlawa, Mayo 13, 2024 ug mahuman sa adlaw nga Biyernes, Mayo 17, 2024.
Host sa maong sporting event ang General Santos dihang gisugdan ang dula sa Softball Secondary tali sa GenSan Yellow Fin kontra sa Cotabato Province Emperors nga gipahigayon sa Mindanao State University-Fatima Campus.
Nagkatag ang mga venue sa nagkalain laing padula apan ang sentro mao ang Acharon Sports Complex.
Nagkita ang mga atleta gikan sa Sultan Kudarat, Sarangani, South Cotabato, North Cotabato, General Santos, Tacurong, Koronadal, ug Kidapawan alang sa multi-sports events.
Una ng gibutyag sa Deped nga ang makakuha ug bulawang medalya ang kwalipikado alang sa Palarong Pambansa nga ipahigayon didto sa Cebu.
