GENERAL SANTOS CITY – Nagsurender sa kasundaluhan ang usa ka squad lider anga sakop sa New peoples Army human ang pagkasikop sa nagpangalan ug Zaldy Cañete alias Jinggoy nga taga Bukidnon sumala sa Eastern Mindanao Command.
Nakabasi matud pa kini sa Sarangani Province ug giila nga si Samson Pagalangan Salda alias Lakay 39 anyos nga residente sa Brgy. Sulit, Polomolok, South Cotabato.
Gikumpirma sa 73rd Infantry Battalion nga mikanaug sa bukid ang nahisgutang rebeldi kaniadtong Mayo 15.
Nahadlok matud pa si Salda sa iyang kinabuhi samtang nagdagan-dagan sa kabukiran human madakpan sa Bukidnon ang iyang kauban nga si Ka Jinggoy.
Usa usab sa gitudlo nga hinungdan mao ang maayong sitwasyon sa mga kauban nga nagsurender na nga nahatagan na sa gobyenro ug panginabuhi-an.
Bitbit sa rebeldi dihang mikanaug sa bukid ang usa ka M16 Rifle (elisco) naga adunay tulo aka tag-as nga magazines nga adunay 79 aka buhing bala ug usa ka handheld radio.
Gilayon kining gidala sa Headquarters sa 73IB sa Brgy. Felis, Malita, Davao Occidental aalang sa custodial debriefing.
