Ipahigayon karong Nobyembre 11, 2021 ang special Election Registration Board (ERB) hearing alang sa mga ulahing nagparehistro nga mga botante.
Matud pa kang Atty Sittie Sharmaine Papandayan-Garangan, election officer sa GenSan nga sa ulahing adlaw sa voter registration adunay 1,379 ka registrants ang ilang na-akomodar kung asa nahuman ang capturing alas 10:30 sa gabie apan sila ang nakauli og alas 12:00 sa tungang gabie.
Samtang sa ulahing ERB hearing anaa na sa 153,197 ang katibuk-ang botante sa dakbayan.
Kahibaluan nga sa ulahing adlaw sa voter registration daghan ang natulog sa gawas sa mall aron nga masiguro nga makasulod og makaparehistro.
Sa pamahayag ni Atty. Garangan nga gumikan labing unang higayon niini sa GenSan nasaksihan niya kung unsa ang sitwasyon sa mga botante nga magpunsisok sa ulahing adlaw sa pagparehistro.
Gapanawagan kini sa publiko nga aron dili masinatian ang sa ingon sa pagsugod pa lamang sa voter registration angayang magparehistro na.
