Nibisita si Speaker Martin Romualdez sa lubong sa gipatay nga House official Director nga si Mauricio Pulhin.
Personal nga gipaabot ni Romualdez ang iyang pahasubo sa pamilya ni Pulhin, kinsa nagsilbi isip Technical Staff Chief sa House Committee on Ways and Means.
Matod sa Speaker, nagkahiusa ang tibuok institusyon sa pagpangita og hustisya sa kamatayon sa opisyal.
Gipaambit usab ni Romualdez nga si Pulhin usa ka hilomon apan kugihan nga propesyonal nga nagserbisyo sa kamara nga adunay integridad.
Matod niya nga dili mopahulay ang kamara hangtod nga mailhan ug manubag ang mga nagpaluyo sa pagpamusil ni Pulhin.
Gikompirma sa kapolisan nga adunay giumol nga Special Investigation Team nga manguna sa kaso ug gisusi ang CCTV footage uban ang forensic analysis ug pag-interbyu sa mga saksi.
Ang Speaker nanawagan sa mga awtoridad sa paghimo og hingpit nga imbestigasyon.
