Gidayeg ni Speaker Ferdinand Martin Romualdez si Presidente Ferdinand Marcos Jr., nga makauli na sa Pilipinas ang Pinay drug mule nga si Mary Jane Veloso nga nag-atubang ug death row sa Indonesia
Kini human gipahibalo ni Pang. Marcos nga makabalik na sa Pilipinas si Veloso human sa 14 ka tuig nga pagkapriso.
Nalipay usab ang pamilyang Veloso sa Nueva Ecija.
Matud pa niini nga ang gihimo sa Presidente usa ka pruweba nga iyang gihatagan og prayoridad ang kaayohan sa mga Pilipino, ilabi na sa mga OFW.
Dugang niini nga ang pagbalik ni Veloso sa Pilipinas makonsidera nga kadaugan sa paglaum, diplomasya, ug hustisya.
Gipasalamatan usab niini ang presidente sa Indonesia nga si Prabowo Subianto kalabot sa maong lakang.
Nagpasalig usab kini nga magpadayon sa pagpakigkomunikar sa nagkalain-laing ahensya sa gobyerno nga naghimo og mga polisiya aron mapanalipdan ang mga OFW ug ilang pamilya.
