GENERAL SANTOS CITY – Subli nga magpahigayon og special session ang Sangguniang Panlungsod sa Disyembre 28, 2020 sa buntag.
Kini ang gikasabutan atol sa natigayong special session sa miaging Disyembre 22, 2020 human nga wala napasa ang pipila ka bahin sa supplemental budget number 10 kalabutan sa kapin sa P50 million nga balaydunon sa mga hotels nga gipuy-an sa mga LSIs, ROFs lakip ang ubang mga giquarantine o close contact sa mga nagpositibo sa COVID 19.
Wala naaprobahan sa committe on finance ang maong sugyot gumikan walay gipakita nga mga dokomento ngadto kaniya.
Sa pamahayag ni Kag. Jeng Gacal, chairperson sa committee on finance nga kung mapakita ang maong mga dokomento wala kini rason nga dili maaprobahan.
Lakip sa supplemental budget number 10 ang P25,000 nga collective negotiations incentives (CNIs) og ang laing tag P25 matag empleyado kung lakip sa top 10 ang ilang departamento mga may maayong performance.
Ingon usab ang P10,000 nga ihatag sa tanang regular employee base sa kamanduan ni Pangulong Rodrigo Duterte.
