GENSAN-Gipahibalo ni Atty. Jong Gonzales, labaw sa Public Safety Office sa Gensan, nga gihatagan og moratorium hangtod Disyembre 2026 ang mga operators ug drivers sa traysikol aron bag-uhon ang ilang unit subay sa standard nga gitinguha sa lokal nga konseho.
Ang maong lakang kabahin sa modernization program sa dakbayan.
Sumala pa ni Gonzales, gihatagan og dugang lugway ang mga tag-iya sa traysikol aron sila makadesisyon kung magpili ba sila nga mag-convert ngadto sa electric trikes o dili.
Apan klaro nga gibutyag sa konseho nga kung dili sila mag-convert o mag-upgrade sulod sa gihatag nga lugway kanila sa SP, pag-abot sa Enero 2027, obligado na silang mosunod sa standard size nga gilatid para sa traysikol.
Kini nga programa gilauman nga makatabang sa modernization sa transport sector, mapalambo ang kaluwasan sa kalsada ug makahatag og mas limpyo nga alternatibong pamaagi sa pagbiyahe
