SP gipatawag ang kapulisan kalabutan sa imbestigasyon sa mga missing nga mga batan-on

Subli nga gipatawag sa Sangguniang Panlungsod ang kapulisan sa dakbayan aron masayran ang resulta sa imbestigasyon sa mga missing nga mga batan-on.

Matud pa kang Lt. Col. Ruelito Lumiguid sa General Santos City Police Office kon GSCPO nga tanang mga impormasyon ang nadawat alang ilang giadtuan aron makauha og lead.

Sa iyang pamahayag nga miadto ang tracker team sa Bukidnon kauban ang pamilya human nga nakadawat og impormasyon nga didto ang mga nasampit.

Gikadugang pa niini nga sa miaging bulan nakigkita sila sa ginikanan sa maong batan-on aron mahisgutan ang mga angayang himoon.

Kahinumduman nga daghan nahibulong nganong halos dungan nawala ang mga nasampit og walay nasayod asa miadto.