GENERAL SANTOS CITY – Nagsumite ug urgent resolution ang Sangguniang Panglungsod ning dakbayan alang sa paghatag ug pag-ila ug pasidungog, lakip na ang pagpadangat ug pahisubo alang kang Pfc Marvin Gomez nga namatay sa pakig-giyera batok sa Maute terror group didto sa Marawi.
Ug gani, plano usab sa mga konsehal nga magpahigayon ug hero’s welcome sa pag-abot sa patay’ng lawas niini dinhi sa dakbayan sa Hunyo 15, adlaw’ng Huwebes.
Plano usab karon sa konseho nga makig-alayon sa buhatan ni Mayor Ronnel Rivera alang usab sa hinabang pinansyal nga ihatag sa LGU sa nabilin nga pamilya sa nasampit nga sundalo.
Nasayran nga may nagsugyot pa nga magduso ug resolusyon aron iduso nga malubong sa Libingan ng mga Bayani si Pfc Gomez.
Apan itugyan na lamang nila sa pamilyang Gomez ang desisyon kalabot niini.
