GENERAL SANTOS CITY – Nagpasa ug resolusyon sa Sangagguniang Panglungsod si Kagawad Jeng Gacal may kalabutan sa pagsibog sa eleksyon sa pagka kongresista sa syudad gikan sa Oktubre 26 adlawng Sabado ngadto na sa Lunes Oktubre 28.
Matud pa ni Kagawad Gacal nga adunay mga relihiyosong grupo nga mutamod sa pagsimba sa adlawng Sabado ug posibloeng dili makaboto. Matud pa nga ang Seventh Day Adventist ang gatamod niini nga gikonsiderang Sabbath Day o Holy day ang Sabado nga sa pagsalop sa adlawng Byernes ug pagsalop sa adlawng Sabado kon diin walay laing buhaton mao ang pagtamod sa ilang pagtuo.
Buot ni Gacal nga matagaan sila ug tyansa nga makapartisipar sa eleksyon.
Kahibaluan nga sa October 26 na ang piniliay sa pagkakongresista sa Gensan dungan sa eleksyon usab sa 1st Distict sa South Cotabato nga gilangkuban sa Tupi, Tampakan ug Polomolok.
