GENERAL SANTOS CITY – Wala official business sa Sangguniang Panlungsod hangtud sa adlawng Biyernes human nga gipailawom sa lockdown tungod adunay tulo ka mga konsehal ang nagpositibo sa COVID 19.
Matud pa kang Vice Mayor Tonton Acharon nga tulo ka mga city councilors ang nagpositibo sa virus hinungdan nga gipailawom sa dis-infection ang SP.
Gumikan niini walay matigayon bisag virtual session karong adlawa kung asa sa sunod semana na gilauman nga ipahigayon.
Sa pagpaklaro ni Vice Mayor Acharon nga sa gawas sa SP nakuha ang maong virus.
Gibutyag nga sa miaging Huwebes nagpahigayon sila og swab test nga ang negatibo.
Apan ang usa ang ulahi nga nagpa-swabtest human nga adunay giadtuan kung asa ang resulta positibo sa COVID 19.
Samtang hugot ang panawagan sa maong opisyal sa publiko nga sundon ang mga patakaran aron makalikay sa COVID 19.
