Gisiguro ni Senate President Francis Escudero nga ipatuman nila ang “conscience vote” sa sugyot nga diborsyo sa nasud. .
Ang reaksyon ni Escudero human sa pag-kaapruba sa divorce bill sa Kamara nga niadtong una 126 ang pabor, 109 ang kontra ug 20 ang abstain apan sa ulahi, gikorehian ang ihap sa 131 ang pabor ug pareho gihapon ang numero sa kontra ug abstain.
Sumala sa liderato sa Senado, ang mahimong posisyon sa mga senador sa divorce bill ang ‘conscience’ ug ‘personal vote’ ug ibase sa kung unsa ang kanya-kanya nga pagtuo ug relihiyon sa matag kaubanan niya sa Senado.
Wala matud pa kini plano nga diktahan ang mga senador aron paburan o kontrahon ang sugyot.
Apan kung si Escudero ang pangutan-on, dili diborsyo kun dili mas gusto niya nga palapdan ug himuong accessible ang annulment ilawom sa family code.
